Hver skammtur af Sportþrennu samanstendur af þremur töflum (einni fjölvítamíntöflu og tveimur L-karnitíntöflum) og einu hylki af Omega-3 fitusýrum.

Sportþrenna er þægileg fyrir þá sem vilja styrkja sig til árangurs og auka getu í íþróttum og líkamsrækt og jafnframt fyrir þá sem vilja auka fitubrennslu líkamans.

Fjölvítamíntaflan inniheldur ríflega skammta af vítamínum og steinefnum, auk króms, pikólínats og græns tes sem meðal annars hafa hlutverki að gegna í orkuframleiðslu og bruna líkamans, auk þess sem þau hafa sterka andoxunareiginleika.

L-karnítín er talið hafa jákvæð áhrif á uppbyggingu vöðva sem og sérstaka eiginleika til fitubrennslu. Einnig er það talið auka getu líkamans til að nýta orku úr eigin fitubirgðum.

Króm er talið geta dregið úr löngun í sætindi og viðhaldið jafnvægi blóðsykurs í líkamanum. Það hefur einnig hlutverki að gegna við uppbyggingu vöðva og getur dregið úr of mikilli fitusöfnun.

Grænt te hefur sterka andoxunareiginleika og því mikilvægt til að vernda líkamann gegn neikvæðum áhrifum frá umhverfi, svo sem mengun. Þetta á einnig við um losun frjálsra stakeinda sem átt getur sér stað við miklar líkamsæfingar og við losun fitubirgða þegar efni, sem setið hafa í fituvef, losna út í líkamann. Því er mikilvægt að auðvelda losun þessara efna og draga um leið úr óæskilegum áhrifum þeirra.

Omega-3 fitusýrur eru í flokki svokallaðra lífsnauðsynlegra fitusýra þar sem líkaminn framleiðir þær ekki sjálfur. Þær eru sérstaklega mikilvægar fyrir þá sem minnka við sig í fituneyslu og neyta ekki nægilegs magns af feitum fiski.

Barnshafandi konur og konur með börn á brjósti ættu ekki taka Sportþrennu án samráðs við lækni. Sykursjúkir ættu ekki að taka fæðubótarefni sem innihalda króm án samráðs við lækni.

Frekari upplýsingar: consumer@lysi.is